الرئيسية / اراء ومقالات / سوالف لعيبي!
كيف_يكتب_المقال

سوالف لعيبي!

(شلون تسلم البيت المطره,,, ومطره تظل تزامط بيه)
عشرين مقعد حصل عليهن فد سياسي وصار رئيس كتله مهمه بالبرلمان، و الرجال ما مسويها هوسة مثل غيره ومقلص، ولا عنده جيوش الكترونية، وكان – والشهادة لله – بيضة القبان بين ان يروح العراق للمشروع الأمريكي وبين يروح للارادة الوطنية بقضية تشكيل الحكومة، واختار الرجل وكتلته الوقوف مع المشروع الوطني وانضم للمحور الوطني، وبموقفه التاريخي هذا فشل المشروع الأمريكي ومحاوره الداخلية والخارجية وأكلوا قازوق معدل بعد ما استقتلوا حتى يظل فلان ويجي فلان على رأس الهرم السلطوي، وبهذا الموقف لهذا العراقي وكتلته اللي انضمت للمشروع الوطني استمر الحشد وراح تستمر مسيرة التحرر وفك الارتباط مع المحور الأمريكي اللي انجزت القوى الإسلامية والوطنية بفضاءها الوطني خطوات مهمة منه، ولازم نقدمله الشكر على ما قدمه من خدمات سابقة وعلى موقفه اللي صار المحور الوطني اقوى وأقوى بتواجده وياهم وكل الشرفاء ما يقبلون يصير هذا العراقي ضحية من الضد النوعي وتهجم عليه الاحزاب المدعومة من المشروع الأمريكي اللي لا تغني عن الواقع شيئا ولا تقدم ولا تأخر بالعملية السياسية والواقع، موقف شجاع ولابد ان نذكره وكافي نسلم البيت المطره ومطره تظل تزامط بيه، #العراق بيت العراقيين.

شاهد أيضاً

محمد-عبد-الجبار-الشبوط-ض

رسالة الى الاخ عادل عبد المهدي

كتب … محمد عبد الجبار الشبوط ليست هذه ملاحظات على البرنامج الحكومي انما هي افكار …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *